ଓଡ଼ିଶାଲାଇଭ୍ ବ୍ୟୁରୋ
ସ୍ମାର୍ଟଫୋନ୍ ନିର୍ମାତା କମ୍ପାନି ଏଚ୍ଏମ୍ଡି ଗ୍ଲୋବାଲ୍ ଭାରତରେ Nokia 2.4 ଲଞ୍ଚ୍ କରିଛି। ଏହି ବଜେଟ୍ ସ୍ମାର୍ଟଫୋନ୍ରେ ୪,୫୦୦ ଏମ୍ଏଏଚ୍ ବ୍ୟାଟେରି ସହିତ ଅନେକ ଦମ୍ଦାର୍ ଫିଚର ମିଳୁଛି।
ଫିଚର ଓ ଦାମ୍
ଏହି ସ୍ମାର୍ଟଫୋନ୍ରେ ୬.୫ ଇଞ୍ଚ୍ର ଏଚ୍ଡି ପ୍ଲସ୍ ଡିସ୍ପ୍ଲେ ଦିଆଯାଇଛି, ଯାହାର ରିଜୋଲ୍ୟୁସନ୍ ରହିଛି ୭୨୦ x ୧୬୦୦ ପିକ୍ସେଲ। ଏହି ଫୋନ୍ର ସ୍କ୍ରିନ୍ ରେସିଓ ହେଉଛି ୨୦:୯। Nokia 2.4 ଆଣ୍ଡ୍ରଏଡ୍ ୧୦ ଆଧାରିତ ମିଡିଆଟେକ୍ ହିଲିଓ ପି୨୨ ପ୍ରୋସେସର ଦ୍ଵାରା ଚାଲୁଛି। ଏହି ଫୋନ୍ ୧୦,୩୯୯ ଟଙ୍କାରେ ଉପଲବ୍ଧ ହେଉଛି।ଷ୍ଟୋରେଜ୍
Nokia 2.4 ସ୍ମାର୍ଟଫୋନ୍ରେ ୩ ଜିବି ରାମ୍ ଓ ୬୪ ଜିବି ଷ୍ଟୋରେଜ୍ ଦିଆଯାଇଛି। ତେବେ ମାକ୍ରୋ ଏସ୍ଡି କାର୍ଡ ସାହାଯ୍ୟରେ ଷ୍ଟୋରେଜ୍କୁ ୫୧୨ ଜିବି ପର୍ଯ୍ୟନ୍ତ ବୃଦ୍ଧି କରାଯାଇପାରିବ ବୋଲି କମ୍ପାନି ପକ୍ଷରୁ କୁହାଯାଇଛି।
କ୍ୟାମେରା
Nokia 2.4ରେ ଦୁଇଟି ରିୟର କ୍ୟାମେରା ରହିଛି। ଏଥିରେ ୧୩ ମେଗାପିକ୍ସେଲର ପ୍ରାଇମେରି କ୍ୟାମେରା ଓ ୨ ମେଗାପିକ୍ସେଲର ସେକେଣ୍ଡାରି କ୍ୟାମେରା ଦିଆଯାଇଛି। ସେହିପରି ସେଲ୍ଫି ପାଇଁ ଏହି ଫୋନ୍ରେ ୫ ମେଗାପିକ୍ସେଲର କ୍ୟାମେରା ରହିଛି।ବ୍ୟାଟେରି ଓ କନେକ୍ଟିଭିଟି
ଏହି ଫୋନ୍ରେ ୪,୫୦୦mAhର ବ୍ୟାଟେରି ଦିଆଯାଇଛି। ଗୋଟିଏ ଥର ସମ୍ପୂର୍ଣ୍ଣ ଚାର୍ଜ କଲେ ଦୁଇ ଦିନ ପର୍ଯ୍ୟନ୍ତ ଫୋନ୍ ଚାଲିବ ବୋଲି କମ୍ପାନି ପକ୍ଷରୁ ଦାବି କରାଯାଇଛି। କନେକ୍ଟିଭିଟି ପାଇଁ ଏଥିରେ ୪ଜି LTE, ଓ୍ଵାଇ-ଫାଇ, ବ୍ଲୁଟୁଥ୍ ଭି୫.୦, ଜିପିଏସ୍/ଏ ଜିପିଏସ୍, ମାଇକ୍ରୋ ୟୁଏସ୍ବି ପୋର୍ଟ ଦିଆଯାଉଛି। ଏଥିସହ ୩.୫ ଏମ୍ଏମ୍ର ହେଡ୍ଫୋନ୍ ଜ୍ୟାକ୍ ଓ ଏଫ୍ଏମ୍ ରେଡିଓ ସପୋର୍ଟ ରହିଛି।