ଓଡ଼ିଶାଲାଇଭ୍ ବ୍ୟୁରୋ
ସିରିଏଲରୁ ଫିଲ୍ମ ପର୍ଯ୍ୟନ୍ତ ଯାତ୍ରା କରିଥିବା ଲୋକପ୍ରିୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ୭ ମାସ ବିତିଗଲାଣି। କିନ୍ତୁ ନିଜର ଚମତ୍କାର ଅଭିନୟ ଓ ମନ କିଣିନେଲା ଭଳି ହସ ପାଇଁ ସେ ଏବେ ଦର୍ଶକଙ୍କ ମନରେ ଅଛନ୍ତି। ଆସନ୍ତାକାଲି ଅର୍ଥାତ ଜାନୁଆରି ୨୧ରେ ସୁଶାନ୍ତଙ୍କ ଜନ୍ମଦିନ ରହିଛି। ଏହାର ଗୋଟିଏ ଦିନ ପୂର୍ବରୁ ଫ୍ୟାନ୍ସମାନେ ସୁଶାନ୍ତଙ୍କୁ ପୁଣି ମନେ ପକାଇଛନ୍ତି। ଟୁଇଟରରେ ‘One day for SSR birthday’ ଟ୍ରେଣ୍ଡ କରୁଛି।
ଟୁଇଟରରେ ଲୋକମାନେ ଅଭିନେତାଙ୍କୁ ମନେ ପକାଇ ତାଙ୍କର ଫଟୋ, କୋଟ୍ ଏବଂ କିଛି ପୁରୁଣା ଭିଡିଓ ମଧ୍ୟ ସେୟାର କରୁଛନ୍ତି। ଏହାସହିତ କିଛି ପ୍ରଶଂସକ ସୁଶାନ୍ତଙ୍କୁ ମନେ ପକାଇ ଭାବୁକ ହୋଇପଡ଼ିଥିବା ଦେଖିବାକୁ ମିଳିଛି।
ଅଭିନେତା ସୁଶାନ୍ତ ସିଂହ ରାଜପୁତ ୨୦୨୦, ଜୁନ ୧୪ ତାରିଖରେ ମୁମ୍ବାଇ ବାନ୍ଦ୍ରାସ୍ଥିତ ତାଙ୍କ ଘରେ ଆତ୍ମହତ୍ୟା କରିଥିଲେ। ଏହି ଖବର ଅନେକଙ୍କୁ ଚକିତ କରିଥିଲା। କେହି କେହି ଏହି ଖବରକୁ ଆଦୌ ଗ୍ରହଣ କରିପାରୁନଥିଲେ। ସୁଶାନ୍ତଙ୍କ ମୃତ୍ୟରେ ପୂରା ବଲିଉଡକୁ ଏବ ବଡ଼ ଝଟକା ଲାଗିଥିଲା।
