ଓଡ଼ିଶାଲାଇଭ୍ ବ୍ୟୁରୋ
ପଢ଼ନ୍ତୁ ଦିନ ତମାମର ପ୍ରମୁଖ ଖବର।
ଅରେଞ୍ଜ ଜର୍ସିରେ ‘ମେନ୍ ଇନ୍ ବ୍ଲ୍ୟୁ’ – ନୂଆ ଜର୍ସିରେ ଇଂଲଣ୍ଡକୁ ଭେଟିବ ବିରାଟ ବାହିନୀ
ଅରେଞ୍ଜ ଜର୍ସିରେ ବିରାଟ ବାହିନୀ। ଆସନ୍ତାକାଲି ବର୍ମିଂହାମ୍ରେ ହେବାକୁ ଥିବା ଇଂଲଣ୍ଡ ବିପକ୍ଷ ମ୍ୟାଚ୍ରେ ଭାରତୀୟ କ୍ରିକେଟ୍ ଟିମ୍ ଅରେଞ୍ଜ ଜର୍ସି ପିନ୍ଧି ପଡ଼ିଆକୁ ଓହ୍ଲାଇବ। ଏନେଇ ଗତକାଲି ବିସିସିଆଇ ପକ୍ଷରୁ ଜର୍ସି ଲଞ୍ଚ ହୋଇଥିବା ବେଳେ ଆଜି ସେଇ ଜର୍ସି ପିନ୍ଧି ଫଟୋସୁଟ୍ କରିଛନ୍ତି ବିରାଟ ବାହିନୀ। ଯାହାର ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ବିଷ୍ଣୁ, ମୋହନଙ୍କୁ ସନ୍ତୁଷ୍ଟ କଲା ବିଜେପି
ବିଜେପିରେ ଏବେ ନେତା ସନ୍ତୁଷ୍ଟିକରଣ ଯୋଜନା ଚାଲିଛି। ବହୁ ଘାଣ୍ଟ ଚକଟ ପରେ ଭବାନିପାଟଣା ବିଧାୟକ ପ୍ରଦୀପ୍ତ ନାଏକଙ୍କୁ ବିରୋଧୀ ଦଳ ନେତା କରାଯିବା ପରେ ଏବେ ବିଷ୍ଣୁ ସେଠୀ ଏବଂ ମୋହନ ମାଝିଙ୍କୁ ସନ୍ତୁଷ୍ଟ କରିଛି ବିଜେପି। ଧାମନଗର ବିଧାୟକ ବିଷ୍ଣୁ ସେଠୀଙ୍କୁ ବିରୋଧୀ ଦଳ ଉପନେତା ଭାବେ ଚୟନ କରାଯାଇଥିବା ବେଳେ କେନ୍ଦୁଝର ସଦର ବିଧାୟକ ମୋହନ ମାଝିଙ୍କୁ ବିରୋଧୀ ଦଳ ମୁଖ୍ୟ ସଚେତକ ଭାବେ ନିଯୁକ୍ତ କରାଯାଇଛି। ତେବେ ବିରୋଧୀ ଦଳ ନେତା ରେସ୍ରେ ଥିବା ଜୟନାରାୟଣ ମିଶ୍ରଙ୍କୁ ପୁଣି ନିରାଶ ହେବାକୁ ପଡ଼ିଛି।
ଅଷ୍ଟ୍ରେଲିଆ-ନ୍ୟୁଜିଲାଣ୍ଡ ମଧ୍ୟରେ ହାଇଭୋଲ୍ଟେଜ ମ୍ୟାଚ୍
ଆଇସିସି ବିଶ୍ୱକପରେ ଶନିବାର ଦୁଇଟି ମ୍ୟାଚ୍ ଖେଳାଯାଉଛି। ଦିନ ୩ଟାରେ ଲିଡ୍ସଠାରେ ପାକିସ୍ତାନ-ଦକ୍ଷିଣ ଆଫ୍ରିକା ମୁହାଁ ମୁହିଁ ହୋଇଥିବା ବେଳେ ସନ୍ଧ୍ୟା ୬ଟାରେ ଶକ୍ତିଶାଳୀ ଅଷ୍ଟ୍ରେଲିଆକୁ ଭେଟିଛି ନ୍ୟୁଜିଲାଣ୍ଡ। ଦ୍ୱିତୀୟ ମ୍ୟାଚ୍ରେ ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି।
ଟ୍ରାଫିକର ଆକ୍ସନ ଜ୍ୟାକସନ୍ ବେଣୁଧର
ବିଶ୍ୱକପ ୨୦୧୯ – ସେମିଫାଇନାଲ ରେସ୍ରୁ ବାହାରିଲେ ଏହି ୪ଟିି ବଡ଼ ଟିମ୍
ଆଇସିସି କ୍ରିକେଟ୍ ମହାସମରରେ ଏପର୍ଯ୍ୟନ୍ତ ୩୫ଟି ମୁକାବିଲା ଶେଷ ହୋଇଥିବା ବେଳେ ଆହୁରି ୧୦ ଟି ମ୍ୟାଚ୍ ବାକି ରହିଛି। ରାଉଣ୍ଡ ରବିନ୍ ଫର୍ମାଟରେ ଖେଳାଯାଉଥିବା ଚଳିତ ବିଶ୍ୱକପ ଦ୍ୱାଦଶ ସଂସ୍କରଣରେ ପ୍ରତ୍ୟେକ ଟିମ୍ ନିଜ ନିଜ ମଧ୍ୟରେ ଥରେ ଥରେ ମ୍ୟାଚ୍ ଖେଳୁଛନ୍ତି। ଏଥିସହିତ ପଏଣ୍ଟ ଟେବୁଲ ଶୀର୍ଷ ୪ଟି ଟିମ୍ ସେମିଫାଇନାଲରେ ପ୍ରବେଶ କରିବେ।
ବିଷ୍ଣୁ ସେଠୀ ହେଲେ ବିରୋଧି ଦଳ ଉପନେତା
ବିଜେପି ଆଜି ବିଧାନସଭାରେ ଧାମନଗର ବିଧାୟକ ବିଷ୍ଣୁ ସେଠୀଙ୍କୁ ବିରୋଧି ଦଳର ଉପନେତା ଭାବରେ ନିଯୁକ୍ତ କରିଛି।ଧାମନଗର ବିଧାୟକ ବିଷ୍ଣୁ ସେଠୀଙ୍କୁ ବିଜେପି ବିରେଧି ଦଳର ନେତା ନିଯୁକ୍ତି କରାଯିବା ନେଇ ବିଜେପି ମୁଖପାତ୍ର ଗୋଲକ ମହାପାତ୍ର ସୂଚନା ଦେଇଛନ୍ତି। ଏହାଛଡ଼ା କେନ୍ଦୁଝର ସଦର ବିଜେପି ବିଧାୟକ ମୋହନ ଚରଣ ମାଝିଙ୍କୁ ଦଳର ମୁଖ୍ୟ ସଚେତକ ଭାବେ ନିଯୁକ୍ତି ମିଳିଛି।
ସୋମବାରରୁ ଅମରନାଥ ଯାତ୍ରା- ପ୍ରସ୍ତୁତି ଚୂଡ଼ାନ୍ତ
ଶ୍ରୀମନ୍ଦିର ଓ ମଠ ସଂସ୍କୃତି
‘ମଠ’ ଶବ୍ଦଟି ମଠ୍ ଧାତୁରେ ଅଧିକରଣ ‘ଅ’ ସଂଯୁକ୍ତରେ ଉତ୍ପନ୍ନ ହୋଇଛି। ଏହାର ଅର୍ଥ ହେଉଛି ଯେଉଁଠାରେ ବିଦ୍ୟାର୍ଥୀମାନେ ବାସ କରନ୍ତି। ‘ମଠ’ ଶବ୍ଦର ଅନ୍ୟ ଗୋଟିଏ ଅର୍ଥ ହେଉଛି ଦେବ ସେବା ନିମନ୍ତେ ସ୍ଥାପିତ ଓ ଜମିବାଡ଼ି ଖଞ୍ଜା ଥିବା ଆଶ୍ରମ। ସଂସ୍କୃତ ମହାଭାରତରେ ମଧ୍ୟ ‘ମଠ’ ଶବ୍ଦଟି ‘ଆଶ୍ରମ କୁଟୀର’ ଅର୍ଥରେ ପ୍ରୟୋଗ ହୋଇଥିବା ଜଣାଯାଏ। ପ୍ରାବନ୍ଧିକ ଜଗବନ୍ଧୁ ସିଂହଙ୍କ ମତରେ ‘ମଠ’ର ଅର୍ଥ ଛାତ୍ରାବାସ। ଶିଷ୍ୟମାନେ ଯେଉଁଠି ରହି ଧର୍ମଶିକ୍ଷା ଓ ଶାସ୍ତ୍ରାଲୋଚନା କରନ୍ତି ତାକୁ ମଠ କୁହାଯାଏ।
ପାକିସ୍ତାନ ବନାମ ଆଫଗାନିସ୍ତାନ – ଟସ୍ ଜିତି ଆଫଗାନିସ୍ତାନର ବ୍ୟାଟିଂ
ଆଇସିସି ବିଶ୍ଵକପ ମହାସମରରେ ଆଜି ପାକିସ୍ତାନ-ଆଫଗାନିସ୍ତାନ ମୁହାଁମୁହିଁ ହୋଇଛନ୍ତି। ଲଣ୍ଡନର ଲିଡ୍ସରେ ଦିନ ୩ଟାରେ ଆରମ୍ଭ ହୋଇଥିବା ଏହି ମ୍ୟାଚ୍ରେ ଆଫଗାନ୍ ଟିମ୍ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ଫଳସ୍ୱରୂପ ସେମାନଙ୍କୁ ରୋକିବା ପାଇଁ ପଡ଼ିଆକୁ ଓହ୍ଲାଇଛନ୍ତି ପାକିସ୍ତାନ ଟିମ୍।
ଅଲିଅଳି ଝିଅ ଯୋଜନା ପାଇଁ ନାଲକୋକୁ ମିଳିବ ରାଷ୍ଟ୍ରପତି ପୁରସ୍କାର
ନ୍ୟାସନାଲ୍ ଆଲୁମିନିୟମ୍ କମ୍ପାନି ଲିମିଟେଡ୍ (ନାଲକୋ)କୁ ସିଏସଆର କ୍ଷେତ୍ରରେ ଉତ୍କର୍ଷତା ଲାଗି ରାଷ୍ଟ୍ରପତି ପୁରସ୍କାର ନିମନ୍ତେ ଚୟନ କରାଯାଇଛି। ନାଲକୋର ଅଲିଅଳି ଝିଅ ଯୋଜନାର ପ୍ରଣୟନ ପାଇଁ ଭାରତ ସରକାରଙ୍କ କର୍ପୋରେଟ୍ ଆଫେୟାର୍ସ ବିଭାଗ ଏହି ପୁରସ୍କାର ପାଇଁ ନାଲକୋକୁ ଚୟନ କରିଛି।
ଓଡ଼ିଆ ଆଇପିଏସ ଅଫିସର ହେଲେ ତାମିଲନାଡୁ ଡିଜିପି
ଓଡ଼ିଆ ଆଇପିଏସ ଅଫିସର ଜଳଦ କୁମାର ତ୍ରିପାଠୀ ତାମିଲନାଡୁର ଡିଜିପି ଭାବେ ନିଯୁକ୍ତି ପାଇଛନ୍ତି। ଜୁଲାଇ ୧ରୁ ସେ କାର୍ଯ୍ୟଭାର ଗ୍ରହଣ କରିବେ। ୧୯୮୫ ବ୍ୟାଚ୍ର ତାମିଲନାଡୁ କ୍ୟାଡରର ଏହି ଆଇପିଏସ୍ ଅଫିସର ଦୁଇ ବର୍ଷ ପାଇଁ ଏହି ପଦବୀରେ ରହିବେ।
ରଥଯାତ୍ରାରେ କେଉଁଠି କରିବେ ଗାଡ଼ି ପାର୍କିଂ
ପୁଣି ଖଟିଆରେ ବୁହା ହେଲା ଶବ: ୨ଡାକ୍ତରଙ୍କୁ କାରଣ ଦର୍ଶାଅ ନୋଟିସ
କନ୍ଧମାଳ, ଦାରିଙ୍ଗବାଡ଼ି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ମହାପ୍ରୟାଣ ଗାଡ଼ି ଅଭାବରୁ ଖଟିଆରେ ଶବ ବୁହା ଘଟଣା ସାମ୍ନାକୁ ଆସିଛି। ଏହି ଘଟଣା ପରେ ଆଜି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ (ସିଡିଏମଓ) ଦାରିଙ୍ଗିବାଡ଼ି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରର ଦୁଇ ଜଣ ଡାକ୍ତରଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି।
ବାଣ ବିସ୍ଫୋରଣରେ ଭାଇ ଭଉଣୀ ଗୁରୁତର
ବାଣ ବିସ୍ଫୋରଣରେ ଦୁଇ ଭାଇ ଭଉଣୀ ଗୁରୁତର ଆହତ ହୋଇଛନ୍ତି। ଏହି ଘଟଣା ଘଟିଛି ବଲାଙ୍ଗିର ଜିଲ୍ଲା ତୁରେଇକେଲା ବ୍ଲକ ରାଉତମୁଣ୍ଡା ଗାଁରେ। ସୂଚନା ମୁତାବକ, ଏହି ଗାଁରେ ଶୁକ୍ରବାର ଏକ ଝିଅ ବାହାଘର ଥିଲା। ବରଯାତ୍ରୀ ଗାଁରେ ବାଣ ଫୁଟାଇ ଥିଲେ। ସେଥିରୁ କିଛି ଅଫୁଟା ବାଣ ରାସ୍ତାରେ ପଡ଼ି ରହିଥିଲା। ବରଯାତ୍ରୀ ଯିବା ପରେ ଯିବା ମୁନିରାମ ଛତିଆଙ୍କ ୩ ବର୍ଷର ପୁଅ, ୫ ବର୍ଷର ଝିଅ ସେହି ବାଣକୁ ଆଣି ଖେଳୁଥିଲେ। ଏହି ସମୟରେ କୌଣସି କାରଣରୁ ବାଣ ବିସ୍ଫୋରଣ ହୋଇଥିଲା। 
ପାକିସ୍ତାନ ପାଇଁ ଅଗ୍ନିପରୀକ୍ଷା
ଆଇସିସି ବିଶ୍ଵକପର ୩୬ତମ ମ୍ୟାଚରେ ଶନିବାର ପାକିସ୍ତାନ ଓ ଆଫଗାନିସ୍ତାନ ମୁହାଁମୁହିଁ ହେବେ। ଚଳିତ ବିଶ୍ଵକପରେ ଆଫଗାନିସ୍ତାନର ବିଶ୍ଵକପ ଯାତ୍ରା ଶେଷ ହୋଇଯାଇଥିବା ବେଳେ ପାକିସ୍ତାନ ପାଇଁ ସୁଯୋଗ ରହିଛି।ପାକିସ୍ତାନ ଯଦି ଆଫଗାନିସ୍ତାନ ଓ ବାଂଲାଦେଶ ବିପକ୍ଷ ମ୍ୟାଚରେ ବିଜୟୀ ହୁଏ ଓ ଭାରତ-ଇଂଲଣ୍ଡ ବିପକ୍ଷରେ ବିଜୟୀ ହୁଏ ତେବେ ପାକିସ୍ତାନ ପାଇଁ ସେମିଫାଇନାଲ ଯିବା 
କେନ୍ଦ୍ରାପଡ଼ା: ରାତିରେ ଘରେ ପଶି ମହିଳାଙ୍କୁ ଦୁଷ୍କର୍ମ ଉଦ୍ୟମ କଲେ ଦୁବୃର୍ତ୍ତ
କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା। ଘର ଭିତରେ ପଶି ସ୍ୱାମୀଙ୍କ ଆଖି ଆଗରେ ଦୁବୃର୍ତ୍ତ ମହିଳାଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିଥିବା ନେଇ ଅଭିଯୋଗ ଆସିଛି।
ରଥଯାତ୍ରାରେ କେଉଁଠି କରିବେ ଗାଡ଼ି ପାର୍କିଂ
ଆସନ୍ତାକାଲିଠୁ ପ୍ରବଳ ବର୍ଷିବ – ସିଇସି
ଉତ୍ତର ବଙ୍ଗୋପସାଗରରେ ସୃଷ୍ଟ ଲଘୁଚାପ ଅବପାତର ରୂପ ନେଇ ଧୀରେ ଧୀରେ ପଶ୍ଚିମ ଦିଗ ଆଡ଼କୁ ମାଡ଼ି ଆସୁଛି। ଫଳରେ ରାଜ୍ୟରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି।
