ଶସ୍ତା ହେଲା ୬ଟି କ୍ୟାମେରା ଥିବା Vivo V17 Pro ସ୍ମାର୍ଟଫୋନ୍‌

October 22, 2019

ଓଡ଼ିଶାଲାଇଭ୍‌ ବ୍ୟୁରୋ

ଶସ୍ତା ହେଲା Vivo V17 Pro ସ୍ମାର୍ଟଫୋନ୍‌। ଗତ ସେପ୍ଟେମ୍ବର ମାସରେ ଭାରତରେ ଲଞ୍ଚ ହୋଇଥିଲା ବହୁ ପ୍ରତିକ୍ଷୀତ Vivo V17 Pro ସ୍ମାର୍ଟଫୋନ୍‌। ଏହି ସ୍ମାର୍ଟଫୋନ୍‌ର ଖାସ୍‌ କଥା ହେଉଛି, ଏଥିରେ ମୋଟି ୬ଟି କ୍ୟାମେରା ରହିଛି। ଫ୍ରଣ୍ଟ୍‌ରେ ୨ଟି ପପ୍‌-ଅପ୍‌ ସେଲ୍‌ଫି କ୍ୟାମେରା ଏବଂ ପଛରେ ୪ଟି ରିୟର କ୍ୟାମେରା। ହେଲେ ଏହାର ବହୁତ ଅଧିକ ରହିଥିବା କୁହାଯାଉଥିଲା। ହେଲେ ବର୍ତ୍ତମାନ ପୂଜା ବଜାରରେ ଏହାର ମୂଲ୍ୟ କମି ଯାଇଛି।

Vivo V17 Pro ସ୍ମାର୍ଟଫୋନ୍‌ ଭାରତରେ ୨୯,୯୯୦ ଟଙ୍କାରେ ଲଞ୍ଚ୍‌ ହୋଇଥିଲା। ବର୍ତ୍ତମାନ ଏହାର ଦାମ୍‌ ୨ ହଜାର ଟଙ୍କା କମିଯାଇଛି। ଗ୍ରାହକ ଏହି ସ୍ମାର୍ଟଫୋନକୁ ଏବେ ୨୭,୯୯୯ ଟଙ୍କାରେ କିଣି ପାରିବେ। ନୂଆ ଦାମ୍‌ରେ ଗ୍ରାହକ Vivo V17 Pro ସ୍ମାର୍ଟଫୋନ୍‌କୁ ଉଭୟ ଆମାଜନ, ଫ୍ଲିପ୍‌କାର୍ଟ ଭଳି ଅନ୍‌ଲାଇନ୍‌ କିମ୍ବା ଅଫ୍‌ଲାଇନ୍‌ ଷ୍ଟୋରରୁ କିଣି ପାରିବେ।

Vivo V17 Pro ସ୍ମାର୍ଟଫୋନ୍‌ର ଦୁଇଟି କଲର ଭାରିଏଣ୍ଟ ରହିଛି। ଗ୍ଲେସିଅର ଆଇସ୍‌ ଏବଂ ମିଡ୍‌ନାଇଟ୍‌ ଓସେନ୍‌। ଏହି ସ୍ମାର୍ଟଫୋନ୍‌ରେ ୮ ଜିବି ରାମ୍‌ ଏବଂ ୧୨୮ ଜିବି ଇଣ୍ଟର୍ଣ୍ଣାଲ ଷ୍ଟୋରେଜ ଦିଆଯାଇଛି। ଏହାକୁ ମାକ୍ରୋ ଏସ୍‌ଡି କାର୍ଡ ଜରିଆରେ ବଢ଼ାଯାଇପାରିବ।