ଓଡ଼ିଶାଲାଇଭ୍ ପଲିଟିକାଲ ବ୍ୟୁରୋ
ନିର୍ବାଚନ ସମ୍ପର୍କରେ ଗୁରୁତ୍ୱପୂର୍ଣ୍ଣ ଖବର ପଢ଼ନ୍ତୁ।
ଆଜି ନୂଆପଡ଼ା, କଳାହାଣ୍ଡିରେ ନିର୍ବାଚନ ପ୍ରଚାର କରିବେ ନବୀନ
ଆଜି ବିଜେଡି ସୁପ୍ରିମୋ ନବୀନ ପଟ୍ଟନାୟକ ନୂଆପଡ଼ା, କଳାହାଣ୍ଡିରେ ନିର୍ବାଚନ ପ୍ରଚାର କରିବେ। ମଧ୍ୟାହ୍ନ ସାଢ଼େ ୧୨ଟାରେ ନବୀନ ଭୁବନେଶ୍ୱରରୁ ସ୍ୱତନ୍ତ୍ର ବିମାନ ଯୋଗେ ନୂଆପଡ଼ା ଜିଲ୍ଲା ଗୋତମା ଏୟାରଷ୍ଟ୍ରିପଠାରେ ପହଞ୍ଚିବେ। ସେଠାରୁ ତରବୋଡ଼ ଅଭିମୁଖେ ଯିବେ। ଅପରାହ୍ଣ ୧ଟା ୫୦ରେ ତରବୋଡ଼ଠାରେ ଜନସାଧାରଣଙ୍କୁ ଉଦବୋଧନ ଦେବାର କାଯ୍ୟକ୍ରମ ରହିଛି। ସେଠାରୁ ଖରିଆର ଅଭିମୁଖେ ଯାତ୍ରା କରିବେ। ପରେ ଖରିଆରରୁ ହାଇଟେକ ବସରେ ବସି ଭବାନୀପାଟଣା, ସିନାପାଲି, ଗୋଲାମୁଣ୍ଡା, ଧର୍ମଗଡ଼ ଓ ଜୁନାଗଡ଼ରେ ରୋଡ ସୋ’ କରିବେ ନବୀନ। ଏପ୍ରିଲ ୯ ଅର୍ଥାତ୍ ମଙ୍ଗଳବାର ୧୦ଟା ୪୦ରେ ମାଣିକେଶ୍ୱରୀ ମନ୍ଦିର ଯାଇ ଦର୍ଶନ କରିବେ। ସେଠାରୁ ଯାଇ ଜୟପାଟଣା ବ୍ଲକର ଅଁଲାଭଟା ନିକଟସ୍ଥ ଚାଚିକୁଡ଼ର ଦଶପଡ଼ାଠାରେ ଜନସାଧାରଣଙ୍କୁ ଉଦବୋଧନ ଦେବେ।
ଆସନ୍ତାକାଲି ସରିବ ପ୍ରଥମ ପର୍ଯ୍ୟାୟ ଲାଗି ନିର୍ବାଚନୀ ପ୍ରଚାର
ଏପ୍ରିଲ୍ ୧୧ରେ ହେବ ପ୍ରଥମ ପର୍ଯ୍ୟାୟ ମତଦାନ। ପ୍ରଥମ ପର୍ଯ୍ୟାୟ ପାଇଁ ମଙ୍ଗଳବାର ଶେଷ ହେଉଛି ନିର୍ବାଚନୀ ପ୍ରଚାର। ୪ଟି ଲୋକସଭା ଆସନ ଓ ୨୮ଟି ବିଧାନସଭା ଆସନ ପାଇଁ ଭୋଟ ଗ୍ରହଣ କରାଯିବ। ଶେଷ ମୁହୂର୍ତ୍ତରେ ସମସ୍ତ ପ୍ରାର୍ଥୀ ସେମାନଙ୍କର ପ୍ରଚାରକୁ ଜୋରଦାର କରିଛନ୍ତି। ପ୍ରଥମ ପର୍ଯ୍ୟାୟରେ କଳାହାଣ୍ଡି, ନବରଙ୍ଗପୁର, କୋରାପୁଟ ଏବଂ ବ୍ରହ୍ମପୁରରେ ଭୋଟ୍ ଗ୍ରହଣ କରାଯିବ। ଉଭୟ ସାଂସଦ ଓ ବିଧାୟକ ପ୍ରାର୍ଥୀ ନିଜ ନିଜ ପ୍ରଚାର ଜୋରଦାର କରୁଛନ୍ତି।
ଏପ୍ରିଲ ୧୧ରେ ପ୍ରଥମ ଦଫା ଭୋଟ – ଜାଣନ୍ତୁ କେଉଁ ପ୍ରାର୍ଥୀ ଧନୀ, କିଏ ଗରିବ?
ଏପ୍ରିଲ ୧୧ ହେବ ପ୍ରଥମ ପର୍ଯ୍ୟାୟ ଭୋଟ। ଏଥିପାଇଁ ପ୍ରାର୍ଥିପତ୍ର ଦାଖଲ କରି ପ୍ରାର୍ଥୀ ପ୍ରଚାରରେ ମାତିଥିବା ବେଳେ ଇଲେକ୍ସନ ୱାଚ ପକ୍ଷରୁ ପ୍ରକାଶ ପାଇଥିବା ଏଡିଆର୍ ରିପୋର୍ଟରେ ପ୍ରାର୍ଥୀଙ୍କ ସମ୍ପତ୍ତି ତାଲିକା ପ୍ରକାଶ ପାଇଛି। ଇଲେକ୍ସନ ୱାଚର ତଥ୍ୟରୁ ଜଣାପଡ଼ିଛି ଯେ ପ୍ରଥମ ପର୍ଯ୍ୟାୟ ନିର୍ବାଚନରେ ପ୍ରାର୍ଥିପତ୍ର ଦାଖଲ କରିଥିବା ପ୍ରାର୍ଥୀଙ୍କ ମଧ୍ୟରୁ ଭି ଚନ୍ଦ୍ରଶେଖର ନାଇଡୁ ହେଉଛନ୍ତି ସବୁଠୁ ଧନୀ।
