ଓଡ଼ିଶାଲାଇଭ୍ ବ୍ୟୁରୋ
ଗୁରୁବାର ବାଲେଶ୍ୱର ଆଇଟିଆଇ ଛକ ନିକଟରେ ଅବସ୍ଥିତ ଏକ ଶୀତଳ ଭଣ୍ଡାରରୁ ଆମୋନିଆ ଗ୍ୟାସ୍ ଲିକ୍ ହୋଇଛି। ଏହି ଘଟଣାରେ ସ୍ଥାନୀୟ ଲୋକ ଭୟରେ ଅଛନ୍ତି।
ଏହି ଖବର ପ୍ରକାଶ ପାଇବା ପରେ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ଗ୍ୟାସ୍ ଲିକ୍କୁ ବନ୍ଦ କରିଛନ୍ତି। ଏହି ଲିକେଜ୍ରେ କାହାର କ୍ଷତି ହୋଇନଥିବା ସୂଚନା ମିଳିଛି।
ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେବା ସହିତ ଲୋକେ ରାସ୍ତା ଅବରୋଧ କରିଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରିଛି।
ଶୀତଳଭଣ୍ଡାରରୁ ବାରମ୍ବାର ଆମୋନିଆ ଗ୍ୟାସ୍ ଲିକେଜ୍ ହେଉଥିଲେ ମଧ୍ୟ ପ୍ରଶାସନର କୌଣସି ନଜର ନଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
