ଓଡ଼ିଶାଲାଇଭ୍ ବ୍ୟୁରୋ
ଆଜି ଶ୍ରୀମନ୍ଦିରରୁ ବାହାରି ସ୍ନାନବେଦୀରେ ମହାସ୍ନାନ କରିବେ ଚତୁର୍ଦ୍ଧାମୂର୍ତ୍ତି। ଜ୍ୟେଷ୍ଠମାସ ଶୁକ୍ଲପକ୍ଷ ପୂର୍ଣ୍ଣମୀ ତିଥିର ଏହି ଦିନକୁ ସମସ୍ତେ ଦେବସ୍ନାନ ପୂର୍ଣ୍ଣିମା ବୋଲି କହିଥାନ୍ତି।
ମହାପ୍ରଭୁ ଜଗନ୍ନାଥ, ବଡ଼ଭାଇ ବଳଭଦ୍ର ଓ ଭଉଣୀ ସୁଭଦ୍ରା ବିଶ୍ୱବାସୀଙ୍କୁ ଦର୍ଶନର ସୁଯୋଗ ଦେବାକୁ ପ୍ରତିବର୍ଷ ରଥଯାତ୍ରାରେ ଯାଇଥାନ୍ତି। ଏହାପୂର୍ବରୁ କିନ୍ତୁ ମହାପ୍ରଭୁ ସ୍ନାନବେଦୀରେ ମହାସ୍ନାନ କରିଥାନ୍ତି। ୧୦୮ ଗରା ସୁବାସିତ ଜଳରେ ସ୍ନାନ କରିବା ପରେ ମହାପ୍ରଭୁ ଅଣସର ଘରେ ରହିଥାନ୍ତି। ଅଣସର ଘରୁ ବାହାରିବା ପରେ ମହାପ୍ରଭୁ ରଥଯାତ୍ରାରେ ବାହାରିଥାନ୍ତି।
ଦେବସ୍ନାନ ପୂର୍ଣ୍ଣିମାନରେ ମହାପ୍ରଭୁ ପ୍ରଥମ ଗୋଟି ପହଣ୍ଡିରେ ସ୍ନାନବେଦୀକୁ ଆସିଥାନ୍ତି। ସେଠାରେ ସମସ୍ତ ନୀତି ସମ୍ପନ୍ନ ହେବା ପରେ ମହାପ୍ରଭୁ ସ୍ନାନ କରିଥାନ୍ତି। ଶେଷରେ ମହାପ୍ରଭୁଙ୍କୁ ହାତୀ ବେଶ କରାଯାଏ। ଏହାପରେ ପୁଣିଥରେ ମହାପ୍ରଭୁ ଶ୍ରୀମନ୍ଦିରକୁ ଫେରିଯାଇଥାନ୍ତି।
ଚଳିତବର୍ଷ କରୋନା କାରଣରୁ ଅନେକ କଟକଣା ମଧ୍ୟରେ ସ୍ନାନଯାତ୍ରାର ଆୟୋଜନ କରାଯାଉଛି। ପୁରୀକୁ ୧୪୪ ଧାରା ମଧ୍ୟରେ ରଖାଯିବା ସହିତ ଭକ୍ତମାନଙ୍କୁ ମଧ୍ୟ ଦର୍ଶନ ପାଇଁ ବାରଣ କରାଯାଇଛି।
