ଓଡ଼ିଶାଲାଇଭ୍ ବ୍ୟୁରୋ
ବନ୍ୟା ପ୍ରଭାବିତ ପାଇଁ ମୁଖ୍ୟମନ୍ତ୍ରୀ ୩ ଶହ କୋଟି ଟଙ୍କାର ପ୍ୟାକେଜ୍ ଘୋଷଣା କରିଛନ୍ତି।
କୃଷି କ୍ଷେତ୍ର ପାଇଁ
- ଯେଉଁ ଚାଷୀମାନଙ୍କର ୩୩ ପ୍ରତିଶତରୁ ଅଧିକ ଫସଲ ହାନି ହୋଇଛି ସେମାନଙ୍କୁ ହେକ୍ଟର ପିଛା ୬୮୦୦ ଟଙ୍କା ଯୋଗାଇ ଦିଆଯିବ।
- ନିଶ୍ଚିତ ଜଳସେଚନର ସୁବିଧା ଥିବା ଚାଷୀମାନଙ୍କୁ ହେକ୍ଟର ପିଛା ୧୩ ହଜାର ୫ ଶହ ଟଙ୍କା ବନ୍ୟା ସହାୟତା ପ୍ରଦାନ କରାଯିବ।
- ସମସ୍ତ ପ୍ରକାର ଫସଲ ସୁବିଧା ଥିବା ଚାଷୀମାନଙ୍କୁ ହେକ୍ଟର ପିଛା ୧୮ ହଜାର ଟଙ୍କା ଯୋଗାଇଦିଆଯିବ।
- ବାରମାସୀ ଫସଲ ପାଇଁ ସର୍ବନିମ୍ନ ୨ ହଜାର, ଅନ୍ୟ ଚାଷ ପାଇଁ ୧ ହଜାର ଟଙ୍କା ମିଳିବ।
- ବନ୍ୟା ପ୍ରଭାବିତ ଅଞ୍ଚଳର ଚାଷୀଙ୍କୁ ୨୦ ହଜାର ବିହନ ମିନି କିଟ୍ ମିଳିବ।
- ୫୦ ପ୍ରତିଶତ ସବ୍ସିଡିରେ ୨ ହଜାର ପମ୍ପସେଟ୍ ଯୋଗାଇ ଦିଆଯିବ।
- କ୍ଷତିଗ୍ରସ୍ତ ଜିଲ୍ଲାକୁ ୧୦ କୋଟିର ଫାର୍ମ ମେକାନାଇଜେସନ ସବସିଡି ଯୋଗାଇ ଦିଆଯିବ।
- ଏକ ଲକ୍ଷ ଚାଷୀଙ୍କୁ ୧୩୦ ଟଙ୍କାରେ ପରିବା ମଞ୍ଜି ମିଳିବ।
- ବନ୍ୟା ପ୍ରଭାବିତ ଚାଷୀଙ୍କ ପାଇଁ ୫୦୦୦ ପାୱାର ସ୍ପ୍ରେୟର୍ ଉପଲବ୍ଧ ହେବ।
ଫାର୍ମ କ୍ରେଡିଟ୍
- ବନ୍ୟା ପ୍ରଭାବିତ ଅଞ୍ଚଳରେ ଖରିଫ୍ କୃଷିଋଣ ପୈଠ କରିବାର ସମୟକୁ ସର୍ବାଧିକ ୩୦ ସେପ୍ଟେମ୍ଵର ୨୦୨୨ ପର୍ଯ୍ୟନ୍ତ ବଢ଼ାଇ ଦିଆଯିବ।
- ବନ୍ୟା ପ୍ରଭାବିତ କୃଷକମାନଙ୍କୁ ଅକ୍ଟୋବର ୧ ତାରିଖରୁ ରବି ଚାଷ ପାଇଁ ଅର୍ଥ ପ୍ରଦାନ କରାଯିବ।
ମତ୍ସ୍ୟଚାଷ ପାଇଁ
- ମତ୍ସ୍ୟଚାଷ ପାଇଁ ହେକ୍ଟର ପିଛା ୧୨,୨୦୦ ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବ।
- କ୍ଷତିଗ୍ରସ୍ତ ମାଛ ବିହନ ଚାଷର ଡି-ସିଲିଂ / ପୁନରୁଦ୍ଧାର / ମରାମତି ପାଇଁ ହେକ୍ଟର ପିଛା ଇନପୁଟ୍ ସବସିଡି ଆଧାରରେ ୮,୨୦୦ ଟଙ୍କା ପ୍ରଦାନ କରାଯିବ।
ପଶୁ ସମ୍ପଦ ବିକାଶ କ୍ଷେତ୍ର
- ଦୁହାଁଳିଆ ଗାଈ ଓ ମଇଁଷି ପ୍ରାଣ ହରାଇଲେ ୩୦ ହଜାର ଟଙ୍କାର ଆର୍ଥିକ ରାଶି ପ୍ରଦାନ କରାଯିବ।
- ସର୍ବାଧିକ ୩ଟି ବଳଦ ପିଛା ୨୫ ହଜାର ଟଙ୍କା ଯୋଗାଇ ଦିଆଯିବ।
- ସର୍ବାଧିକ ୬ଟି ବାଛୁରୀ ପିଛା ୧୬ ହଜାର ଟଙ୍କା ଯୋଗାଇ ଦିଆଯିବ।
- ସର୍ବାଧିକ ୩୦ଟି ଛେଳି ପ୍ରତି ୩ ହଜାର ଟଙ୍କା ଯୋଗାଇ ଦିଆଯିବ।
- ସର୍ବାଧିକ ୫୦ଟି କୁକୁଡ଼ା ପିଛା ୫ ହଜାର ଟଙ୍କା ପ୍ରଦାନ କରାଯିବ।
ହସ୍ତତନ୍ତ ଓ ବୟନଶିଳ୍ପ
- ହସ୍ତତନ୍ତ ଓ ବୟନଶିଳ୍ପ କ୍ଷେତ୍ରରେ କାର୍ଯ୍ୟ କରୁଥିବା ପ୍ରତ୍ୟେକ ବୁଣାକାରଙ୍କୁ ଉପକରଣ ବା ଯନ୍ତ୍ରାଂଶ ନିମନ୍ତେ ୪୧୦୦ ଟଙ୍କାର ସହାୟତା ଯୋଗାଇ ଦିଆଯିବ।
- ବୁଣାକାରମାନଙ୍କୁ କଞ୍ଚାମାଲ୍ ପାଇଁ ୪୧୦୦ ଟଙ୍କାର ସହାୟତା ଯୋଗାଇଦିଆଯିବ।
ରୋଜଗାର ସୃଷ୍ଟି
ବନ୍ୟାଜଳ କମିଯିବା ପରେ ମନରେଗା ଅଧୀନରେ ଥିବା କାର୍ଯ୍ୟକୁ ବ୍ୟାପକ ଭାବରେ ବୃଦ୍ଧି କରାଯିବ। ଏଥିରେ ଗ୍ରାମ ପଞ୍ଚାୟତ ରାସ୍ତା ମରାମତି ଓ ରକ୍ଷଣା ବେକ୍ଷଣ, ଖେଳପଡ଼ିଆ, କେନାଲ, ମାଟି ବନ୍ଧ, ଗୁହାଳ ଆଦି ନିର୍ମାଣ ଉପରେ ଫୋକସ୍ ଦିଆଯିବ।
