ଓଡ଼ିଶାଲାଇଭ୍ ବ୍ୟୁରୋ
ଟେନିସ୍ ତାରକା ସାନିଆ ମିର୍ଜା ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ବିବାହର ପ୍ରାୟ ୮ବର୍ଷ ପରେ ମଙ୍ଗଳବାର ସକାଳେ ସୋଏବ-ସାନିଆଙ୍କ ପ୍ରଥମ ସନ୍ତାନ ଜନ୍ମ ନେଇଛି।
ଟେନିସ୍ ତାରକା ସାନିଆ ମିର୍ଜା ଓ ପାକିସ୍ତାନୀ କ୍ରିକେଟ ତାରକା ସୋଏବ୍ ମଲ୍ଲିକ ୨୦୧୦ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ।
ଏହି ପୁତ୍ର ସନ୍ତାନର ଖବର ସଂପର୍କରେ ସୋଏବ ମଲିକଙ୍କ ମ୍ୟାନେଜର୍ ଅମିମ୍ ହକ୍ ନିଜ ଟୁଇଟରରେ ଲେଖିଛନ୍ତି ଯେ, ସାନିଆ ମାଆ ହୋଇଛନ୍ତି। ଉଭୟ ପୁଅ ଓ ମାଆ ସୁସ୍ଥ ଅଛନ୍ତି।
ସାନିଆ ଚଳିତ ବର୍ଷ ଏପ୍ରିଲ ମାସରେ ଗର୍ଭବତୀ ହୋଇଥିଲେ ବୋଲି ଖବର ମିଳିଥିଲା।
ନିକଟ ଅତୀତରେ ଏକ ଜାତୀୟ ଗଣମାଧ୍ୟମକୁ ଦେଇଥିବା ସାକ୍ଷାତକାରରେ ସାନିଆ ନିଜ ସନ୍ତାନ ସମ୍ପର୍କରେ କହିଥିଲେ। ଗଣମାଧ୍ୟମ ପ୍ରତିନିଧି ସନ୍ତାନ ନାମ କ’ଣ ରଖିବେ ବୋଲି ସାନିଆଙ୍କୁ ପ୍ରଶ୍ନ କରିଥିଲେ। ସାନିଆ କହିଥିଲେ ଯେ ନିଜ ସନ୍ତାନର ନାମ ମିର୍ଜା ମଲ୍ଲିକ ରଖିବାକୁ ଚାହୁଁଛି। କାରଣ ମୋର ଏବଂ ସୋଏବଙ୍କ ସରନେମ ମିଶିଗଲେ ଯେଉଁ ନାଁଟି ଆସୁଛି ତାହା ହେଉଛି ମିର୍ଜା ମଲ୍ଲିକ।
