ଓଡ଼ିଶାଲାଇଭ୍ କରୋନା ବ୍ୟୁରୋ
କରୋନା ଭାଇରସକୁ ନେଇ ମଙ୍ଗଳବାର ତାଜା ସୂଚନା ଦେଇଛନ୍ତି ରାଜ୍ୟ ସରକାର। ଏଥିରେ କରୋନା ସମ୍ପର୍କରେ ବହୁ ଗୁରୁତ୍ୱପୂର୍ଣ୍ଣ ସୂଚନା ଦେବା ସହିତ ଲୋକମାନଙ୍କୁ ସଚେତନ ରହିବାକୁ କୁହାଯାଇଛି।
ଓଡ଼ିଶାରେ କରୋନା
- ଓଡ଼ିଶାରେ ୨୨୧୨ ନମୁନାରୁ ୪୨ ଜଣ କରୋନା ପଜିଟିଭ୍।
- ରାଜ୍ୟରେ କରୋନା କାରଣରୁ ପ୍ରଥମ ବ୍ୟକ୍ତିଙ୍କର ମୃତ୍ୟୁ।
- ଝାରପଡ଼ା ଅଞ୍ଚଳର ୭୨ ବର୍ଷୀୟ ବ୍ୟକ୍ତି କରୋନାରେ ମୃତ୍ୟୁବରଣ କଲେ।
- ତାଙ୍କର ଅନ୍ତିମ ସଂସ୍କାର ରାଜ୍ୟ ସରକାରଙ୍କ ନିରୀକ୍ଷଣରେ ହେବ।
- ବର୍ତ୍ତମାନ ରାଜ୍ୟରେ ସକ୍ରିୟ କରୋନା ଆକ୍ରାନ୍ତଙ୍କ ସଂଖ୍ୟା ୩୯।
- ପ୍ରଥମ ଦୁଇ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି।
- ୮୬ ଜଣ ବ୍ୟକ୍ତି ଆଇସୋଲେସନରେ ଅଛନ୍ତି।
- ରାଜ୍ୟ ସରକାର ବର୍ତ୍ତମାନ ସୁଦ୍ଧା ୭ଟି ସ୍ୱତନ୍ତ୍ର କରୋନା ହସ୍ପିଟାଲ ଆରମ୍ଭ କରିଛନ୍ତି।
- ଆଉ ୨୭ଟି ହସ୍ପିଟାଲ ଓ ଆଇସୋଲେସନ କେନ୍ଦ୍ର ଖୋଲିବାକୁ ଲକ୍ଷ୍ୟ ରଖାଯାଇଛି।
ବିଶ୍ୱ ଓ ଦେଶରେ କରୋନା ସ୍ଥିତି
- ସାରା ବିଶ୍ୱରେ ୧୩,୪୯, ୮୮୯ ଜଣ ବ୍ୟକ୍ତି କରୋନା ଆକ୍ରାନ୍ତ।
- ସେମାନଙ୍କ ମଧ୍ୟରୁ ୭୪ ହଜାର ୮୨୦ ଜଣ ଲୋକଙ୍କ ମୃତ୍ୟୁ।
- ଭାରତରେ ବର୍ତ୍ତମାନ ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୪୪୨୧।
- ଭାରତରେ ମୋଟ ୧୧୪ ଜଣ ଲୋକ କରୋନାରେ ମୃତ୍ୟୁବରଣ କରିସାରିଲେଣି।
ନୂଆ ହେଲ୍ପଲାଇନ୍ ନମ୍ବର
- କରୋନା ପାଇଁ ନୂଆ ହେଲ୍ପଲାଇନ୍ ନମ୍ବର ଆଣିଲେ ରାଜ୍ୟ ସରକାର।
- ଏଣିକି ୧୪୪୧୦ରେ କଲ୍ କରି ଲୋକମାନେ କରୋନା ସମ୍ପର୍କରେ ସୂଚନା ପାଇପାରିବେ।
- ଗୁରୁବାର ସକାଳ ୧୧ଟାରୁ ଏହା କାର୍ଯ୍ୟକାରୀ ହେବ।
- ଲୋକମାନେ କରୋନା ସମ୍ପର୍କରେ ଜାଣିପାରିବା ସହିତ ଡାକ୍ତରଙ୍କ ସହ କଥା ହୋଇପାରିବେ।
- ପ୍ରତିଦିନ ୧୦୪ ହେଲ୍ପଲାଇନ୍ ନମ୍ବରକୁ ଆସୁଛି ୧୨ରୁ ୧୪ ହଜାର କଲ୍।
କେମିତି ପିନ୍ଧିବେ ମାସ୍କ ?
- ଏପ୍ରିଲ ୯ ତାରିଖରୁ ରାଜ୍ୟର ସମସ୍ତ ଲୋକ ବାହାରକୁ ବାହାରିଲେ ମାସ୍କ ପିନ୍ଧିବା ବାଧ୍ୟତାମୂଳକ।
- ମାସ୍କ ନପିନ୍ଧିଲେ ଆଇନ୍ ଅନୁଯାୟୀ ଦଣ୍ଡ ଭୋଗିବେ ଲୋକେ।
- ଘରେ ନିଜେ କପଡ଼ାରେ ମାସ୍କ ତିଆରି କରି ପିନ୍ଧିପାରିବେ।
- ମାସ୍କ ନଥିଲେ ଗାମୁଛା କିମ୍ବା ଶାଢ଼ୀକୁ ମୁହଁରେ ଦେଇପାରିବେ।
- ମାସ୍କକୁ ଲୁଣ ପାଣି, ଗରମ ପାଣିରେ ପକାଇ ଏହାକୁ ୫ଘଣ୍ଟା ଖରାରେ ଶୁଖାଇ ପିନ୍ଧନ୍ତୁ।
- ୨ ବର୍ଷରୁ କମ୍ ଶିଶୁ, ଶ୍ୱାସରୋଗୀ, ଅଚେତ ଲୋକଙ୍କୁ ମାସ୍କ ପିନ୍ଧାନ୍ତୁ ନାହିଁ।