ଓଡ଼ିଶାଲାଇଭ୍ ବ୍ୟୁରୋ
ଲକଡାଉନ୍ ସମୟରେ ହୋଇପାରିବ ଦଶମ ଓ +୨ ପରୀକ୍ଷା। ଏନେଇ ବୁଧବାର କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ହେଲେ ଏଥିପାଇଁ କେତେକ ସ୍ୱତନ୍ତ୍ର ଗାଇଡଲାଇନ୍ ମାନିବାକୁ ପଡ଼ିବ। ଏହି ଗାଇଡଲାଇନକୁ ପାଳନ କରି ସମସ୍ତ ରାଜ୍ୟର ବୋର୍ଡ ନିଜର ଦଶମ +୨ ପରୀକ୍ଷା କରିପାରିବେ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଟୁଇଟ୍ କରି ଏ ସମ୍ବନ୍ଧରେ ସୂଚନା ଦେଇଛନ୍ତି। ଯାହା ଫଳରେ ଯେଉଁ ରାଜ୍ୟରେ ଲକଡାଉନ୍ କାରଣରୁ ଦଶମ ଓ ପ୍ଲସ୍ ଟୁ ବୋର୍ଡ ପରୀକ୍ଷା ଅଧାରେ ଅଟକି ରହିଛି ସେଠାରେ ଏହି ବୋର୍ଡ ପରୀକ୍ଷା ହୋଇପାରିବ।
Taking into consideration the academic interest of large number of students, it has been decided to grant exemption from the lockdown measures to conduct Board examination for classes 10th & 12th, with few conditions like social distancing, face mask etc, for their safety. pic.twitter.com/P4ULsmbPVv
— Amit Shah (@AmitShah) May 20, 2020
ଏଥିରେ ରହିଥିବା ଗାଇଡଲାଇନ୍ ହେଉଛି…
- ପରୀକ୍ଷା କେନ୍ଦ୍ର କୌଣସି କଣ୍ଟେନମେଣ୍ଟ ଜୋନରେ ହେବ ନାହିଁ ।
- ସମସ୍ତ ପରୀକ୍ଷାର୍ଥୀ, ଶିକ୍ଷକ, ସ୍କୁଲ ଓ କଲେଜ ଷ୍ଟାଫ୍ ମାସ୍କ ପିନ୍ଧିବା ବାଧ୍ୟତାମୂଳକ।
- ସମସ୍ତ ପରୀକ୍ଷା କେନ୍ଦ୍ରରେ ସାମାଜିକ ଦୂରତା ପାଳନ କରାଯିବ
- ପରୀକ୍ଷା ଦେବାକୁ ଯିବାକୁ ପୂର୍ବରୁ ପରୀକ୍ଷାର୍ଥୀ ଏବଂ ଦାୟିତ୍ୱରେ ଥିବା ଶିକ୍ଷକଙ୍କ ଥର୍ମାଲ ସ୍କ୍ରିନିଂ କରିବାକୁ ପଡ଼ିବ।
- ପରୀକ୍ଷାର୍ଥୀଙ୍କୁ ପରୀକ୍ଷା କେନ୍ଦ୍ରକୁ ଯିବାକୁ ସ୍ୱତନ୍ତ୍ର ବସର ଆୟୋଜନ କରିବାକୁ ପଡ଼ିବ।
