ନ୍ୟୁଜ୍‌ ଅପ୍‌ଡେଟ୍‌ @10 PM (ଅଗଷ୍ଟ ୨୪, ୨୦୧୯)

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଳିଲା ସଂଯୁକ୍ତ ଆରବ ଏମିରେଟ୍‍ସ(ୟୁଏଇ)ର ସର୍ବୋଚ୍ଚ ସମ୍ମାନ ‘ଅର୍ଡର-ଇ-ଯାଏଦ୍‌’। ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୟୁଏଇ ଗସ୍ତରେ ଯାଇଛନ୍ତି। ଏହି ଅବସରରେ ଶନିବାର ୟୁଏଇର ସର୍ବୋଚ୍ଚ ସମ୍ମାନ ‘ଅର୍ଡର-ଇ-ଯାଏଦ୍‌’ରେ ସମ୍ମାନିତ କରାଯାଇଛି।

ସେପ୍ଟେମ୍ଵର ୩ ତାରିଖରେ ନୂଆଁଖାଇ ପର୍ବ। ଏନେଇ ପଶ୍ଚିମ ଓଡ଼ିଶା ଚଳଚଞ୍ଚଳ ହୋଇ ପଡ଼ିଛି। ପଶ୍ଚିମ ଓଡ଼ିଶାର ପ୍ରସିଦ୍ଧ ଏହି ଗଣପର୍ବ ପାଇଁ ମା ସମଲେଶ୍ଵରୀଙ୍କ ଲଗ୍ନ ଧାର୍ଯ୍ୟ କରାଯାଇଛି। ଝାଡ଼ୁଆପଡ଼ା ବ୍ରହ୍ମପୁରା ମନ୍ଦିର ପଣ୍ଡିତ ମହାସଭାରେ ଏହି ଲଗ୍ନ ଧାର୍ଯ କରାଯାଇଛି। ମା ସମଲେଶ୍ଵରୀଙ୍କ ପୀଠରେ ନବାନ୍ନ ଲାଗି ହେବା ନେଇ ଦିନ ଧାର୍ଯ୍ୟ କରାଯାଇଛି। ସକାଳ ୧୦ଟା ୫ରୁ ୧୦ଟା ୨୦ ମଧ୍ୟରେ ଠାକୁରାଣୀଙ୍କ ନିକଟରେ ନବାନ୍ନ ଲାଗି କରାଯିବ।

ରୋଗୀଙ୍କୁ ଆଗ ଚିକିତ୍ସା କର, ପରେ ଟଙ୍କା ନିଅ। ସୁବୁ ଡାକ୍ତର ଏବଂ ଡାକ୍ତରଖାନା କର୍ତ୍ତୃପକ୍ଷଙ୍କ ଉଦ୍ଦେଶ୍ୟରେ ଏଭଳି ରାୟ ଶୁଣାଇଛନ୍ତି ସୁପ୍ରିମକୋର୍ଟ। ଏହି ରାୟ ଆସିବା ପରେ ଡାକ୍ତର ଏବଂ ଡାକ୍ତରଖାନା କର୍ତ୍ତୃପକ୍ଷଙ୍କ ମନମାନି ଉପରେ ଅଙ୍କୁଶ ଲାଗିବ ବୋଲି କୁହାଯାଉଛି।

ରାଜ୍ୟ ସରକାରଙ୍କୁ ଏବେ କାଳିଆ ଟେନ୍‌ସନ୍‌। ୨ ଲକ୍ଷ ୮୦ ହଜାର ଅଯୋଗ୍ୟ ହିତାଧିକାରୀଙ୍କଠାରୁ କେମିତି ଟଙ୍କା ଫେରାଇ ଆଣିବେ ତାକୁ ନେଇ ସଚିବାଳୟରେ ମାନସ ମନ୍ଥନ ଚାଲିଥିଲେ ମଧ୍ୟ ଅଙ୍କ ଛିଡୁନି। ଫଳରେ ରାଜ୍ୟ ସରକାରଙ୍କର ୧୪୦ କୋଟିରୁ ଅଧିକ ଟଙ୍କା ପାଣିରେ ପଡ଼ିଯିବ ବୋଲି ଚର୍ଚ୍ଚା ହେଉଛି।

ଆଜି ଅଧିକାଂଶ ଲୋକଙ୍କ ହାତରେ ସ୍ମାର୍ଟ ଫୋନ୍ ଆଉ ଫୋନ୍‌ରେ ଇଣ୍ଟରନେଟ୍ କନେକ୍ସନ୍। ତେଣୁ ଲୋକେ ନିୟମିତ ଭାବେ ବିଭିନ୍ନ ସାମାଜିକ ଗଣମାଧ୍ୟମରେ ଭିଡ଼ିଓ ଦେଖିବାକୁ ପସନ୍ଦ କରୁଛନ୍ତି। ତା’ଛଡ଼ା ମୋବାଇଲ୍ ଆପ୍ ଜରିଆରେ ସିଧାସଳଖ ଭାବେ ବିଭିନ୍ନ ଚ୍ୟାନେଲ୍ ଏବଂ ଓଟିଟି ପ୍ଲାଟ୍‌ଫର୍ମରୁ ଭିଡ଼ିଓ ଆକ୍ସେସ୍ କରୁଛନ୍ତି। ସେମାନଙ୍କ ମଧ୍ୟରୁ ଅନେକ ବିଭିନ୍ନ କାର୍ଯ୍ୟକ୍ରମର ସିଧାପ୍ରସାରଣ ବା ଲାଇଭ୍‌ଷ୍ଟ୍ରିମିଂ ଦେଖିବାକୁ ପସନ୍ଦ କରୁଛନ୍ତି।

ଆରପାରିରେ ଭାରତର ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ ବିଜେପି ନେତା ଅରୁଣ ଜେଟଲୀ। ବହୁ ଦିନ ଧରି ସ୍ୱାସ୍ଥ୍ୟଗତ ସମସ୍ୟାରେ ପୀଡ଼ିତ ରହି ଶନିବାର ଦିଲ୍ଲୀ ଏମ୍ସ ହସ୍ପିଲାରେ ଅରୁଣ ଜେଟଲୀ ଶେଷ ନିଶ୍ୱାସ ତ୍ୟାଗ କରିଛନ୍ତି। ଜେଟଲୀଙ୍କ ବିୟୋଗରେ ରାଜନୀତି ଜବତରେ ଏକ ଅପୂରଣୀୟ କ୍ଷତି ଘଟିଛି।

‘‘ବିଜେପି ସହ ଅରୁଣ ଜେଟଲୀଙ୍କ ଅତୁଟ ବନ୍ଧନ ଥିଲା। ପାର୍ଟିରେ ସେ ଜଣେ ଏମିତି ବ୍ୟକ୍ତି ଥିଲେ ଯାହାଙ୍କୁ ସମସ୍ତେ ପସନ୍ଦ କରୁଥିଲେ। ଛାତ୍ରନେତା ସମୟରୁ ହିଁ ସେ ଗଣତନ୍ତ୍ରର ରକ୍ଷା ପାଇଁ ସବୁଠୁ ଆଗରେ ଥିଲେ‘‘, ଜେଟଲୀଙ୍କ ବିୟୋଗରେ ଏମିତି ଟୁଇଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।

ଭାରତୀୟ ରାଜନୀତିର ଜଣେ ପ୍ରମୁଖ ରାଜନେତା ତଥା ମୋଦୀ ସରକାରଙ୍କ ପ୍ରଥମ ପାଳିର ଅର୍ଥମନ୍ତ୍ରୀ ଅରୁଣ ଜେଟଲୀ। ଭାରତୀୟ ରାଜନୀତିରେ ତାଙ୍କର ଅନେକ ଅବଦାନ ରହିଥିଲା। ଭାରତୀୟ ଜନତା ପାର୍ଟିର ଜଣେ ମାର୍ଗଦର୍ଶକ ଭାବେ ତାଙ୍କର ଭୂମିକା ଥିଲା ଅତ୍ୟନ୍ତ ଗୁରୁତ୍ଵପୂର୍ଣ୍ଣ। ବାଜପେୟୀ ସରକାରଙ୍କ ମନ୍ତ୍ରୀମଣ୍ଡଳରେ ମଧ୍ୟ ସେ ଗୁରୁତ୍ଵପୂର୍ଣ୍ଣ ବିଭାଗରେ କାର୍ଯ୍ୟ କରିଛନ୍ତି। ଏହାସହ ସେ ସୁପ୍ରିମ୍‌ କୋର୍ଟର ଜଣେ ଖ୍ୟାତନାମା ଆଇନଜୀବି ଥିଲେ।

ଉତ୍ତର-ପଶ୍ଚିମ ବଙ୍ଗୋପସାଗରରେ ପୁଣି ଆଉ ଏକ ଘର୍ଣ୍ଣିବଳୟ ସୃଷ୍ଟି ହୋଇଛି। ଆସନ୍ତା ୨୪ ଘଣ୍ଟାରେ ଏହା ଲଘୁଚାପର ରୂପ ନେବ। ଏହାରି ପ୍ରଭାବରେ ଉତ୍ତର-ଦକ୍ଷିଣ ଓଡ଼ିଶାରେ ପ୍ରବଳ ବର୍ଷାର ସମ୍ଭାବନା ରହିଛି। ଆଭ୍ୟନ୍ତୀଣ ଓ ଉପକୂଳ ଓଡ଼ିଶାରେ ମଧ୍ୟ ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ।

ଏହି ୩ ଖେଳାଳିଙ୍କୁ ଦିନିକିଆ କ୍ରିକେଟକୁ ଫେରିବା ହୋଇପାରେ କଷ୍ଟ

ଓ୍ଵେଷ୍ଟଇଣ୍ଡିଜ ବିପକ୍ଷ ଟେଷ୍ଟ, ଦିନିକିଆ, ଟି-୨୦ ପାଇଁ ଦଳ ଘୋଷଣା ସରିଯାଇଛି। ଏଥର ଦଳରେ ଯୁବ କ୍ରିକେଟରମାନଙ୍କୁ ସ୍ଥାନ ମିଳିଛି। ଏଥିପାଇଁ ଦଳର କିଛି ଦକ୍ଷ ବ୍ୟାଟ୍ସମ୍ୟାନ ଯୋଉମାନେ କି ବର୍ତ୍ତମାନ ଫର୍ମରେ ନାହାନ୍ତି ସେମାନେ ବାଦ ପଡ଼ିଛନ୍ତି। ତେବେ ପ୍ରଶ୍ନ ଉଠୁଛି ଯେ ସେମାନେ ଭବିଷ୍ୟତରେ ଟିମ ଇଣ୍ଡିଆର ଦିନିକିଆ ଦଳକୁ ଫେରିବେ କି ନାହିଁ?

ଶ୍ରୀମନ୍ଦିର ଓ ଜନ୍ମାଷ୍ଟମୀ

ଜଗନ୍ନାଥଧାମ ପୁରୀରେ ବି ଖୁବ୍ ଧୁମଧାମରେ ପାଳନ କରାଯାଏ ଜନ୍ମାଷ୍ଟମୀ। କିନ୍ତୁ ଅନ୍ୟ ମନ୍ଦିରଗୁଡ଼ିକ ଅପେକ୍ଷା ଏଠାରେ କିଛି ଭିନ୍ନ ଶୈଳୀରେ ଜନ୍ମାଷ୍ଟମୀ ପାଳନ କରାଯାଏ। ଏକ ନାଟକୀୟ ଢ଼ଙ୍ଗରେ ପାଳନ କରନ୍ତି ଶ୍ରୀମନ୍ଦିରର ସେବକମାନେ।

ଅଦ୍ଭୁତ, ଅବିଶ୍ୱସନୀୟ, ଅଲୌକିକ, ବୃନ୍ଦାବନର ନିଧି ବନ – ଜାଣିଲେ ହେବେ ଆଶ୍ଚର୍ଯ୍ୟ